هز هائنس پرنس رحيم آغا خان (پنجون) اڄ پاڪستان جي سرڪاري دوري تي پھتو. نور خان ايئر بيس تي صدر آصف علي زرداريءَ سندس استقبال ڪيو.
صدارتي هائوس هڪ بيان ۾ چيو ته فيبروري 2025 ۾ پنهنجي والد، هز هائنس پرنس ڪريم آغا خان چوٿين جي وفات کان پوءِ 50 هين امام جي حيثيت سان شيعه اسماعيلي مسلم برادري جي قيادت سنڀالڻ کان پوءِ هي پرنس رحيم آغا خان جو پاڪستان جو پهريون دورو آهي.
ايوان صدر پهچڻ تي، پاڪستان آرمي، پاڪستان نيوي ۽ پاڪستان ايئر فورس جي ٽنهي سروسز جي دستن مهمان معزز مهمان کي گارڊ آف آنر پيش ڪيو ويو.
صدر آصف علي زرداري، خاتون اول بي بي آصفه ڀٽو زرداري ۽ پي پي پي چيئرمين بلاول ڀٽو زرداري، پرنس رحيم آغا خان سان ملاقات ڪئي، جنهن کان پوءِ وفدن جي سطح تي ڳالهيون ٿيون.
صدر سندس اعزاز ۾ هڪ بئنڪئٽ جو به انتظام ڪيو، جنهن ۾ وزيراعظم محمد شهباز شريف، نائب وزيراعظم اسحاق ڊار، فيلڊ مارشل سيد عاصم منير سي او اي ايس ۽ سي ڊي ايف، سينيٽ چيئرمين سيد يوسف رضا گيلاني، قومي اسيمبلي جي اسپيڪر سردار اياز صادق، سنڌ جي وڏي وزير سيد مراد علي شاهه، وفاقي وزيرن، پارليامينٽ جي ميمبرن ۽ سفارتي برادري جي ميمبرن شرڪت ڪئي.
صدر صحت ، تعليم، برادري جي ترقي، موسمياتي تبديلي ۽ تاريخي ورثي جي تحفظ جي حوالي سان پاڪستان ۾ آغا خان ڊولپمينٽ نيٽ ورڪ جي تعاون جي تعريف ڪئي. هن مدد لائق برادرين جي ڀلائي ۽ ترقي لاءِ اي ڪي ڊي اين سان تعاون کي وڌيڪ مضبوط ڪرڻ جي پاڪستان جي عزم جو اظهار ڪيو.
پرنس رحيم آغا خان استقبال لاءِ صدر جو شڪريو ادا ڪيو ۽ پاڪستان ۾ ترقي ۽ انساني ڀلائيءَ جي قدمن جي حمايت لاءِ AKDN جي مسلسل عزم جو اظهار ڪيو.
پرنس رحيم پاڪستان جو آخري دورو 2024 ۾ ڪيو هو، جڏهن صدر کيس آغا خان خاندان جي پاڪستان ۾ ڊگهي عرصي کان ڪيل خدمتن جي اعتراف ۾ ملڪ جو اعليٰ ترين سول ايوارڊ نشان پاڪستان عطا ڪيو ھو.
سلطان علي الانا، ڊائريڪٽر آغا خان فنڊ فار اڪنامڪ ڊولپمينٽ ۽ هيڊ آف فنانشل سروسز (AKDN) شفيق سچيدينا، جماعت جي ادارن جي سربراہ، نزار نور محمد ميوا والا، صدر اسماعيلي ڪائونسل فار پاڪستان ۽ اڪبر لدڪ، نائب صدر اسماعيلي ڪائونسل فار پاڪستان وفد جو حصو هئا. — ٽي ايس ايل
