صدر آصف علي زرداري اربع ڏينهن ايوان صدر ۾ پاڻي وسيلن جي انتظام بابت هڪ اجلاس جي صدارت ڪئي. اجلاس ۾ پاڻي جي دستيابي، حڪمراني ۽ علائقائي ترقي سان لاڳاپيل مسئلن جو جائزو ورتو ويو جيڪي پاڪستان جي پاڻي جي موجودگي کي يقيني بڻائڻ جي عمل کي متاثر ڪن ٿا.
پريس انفارميشن کاتي جي پڌرائي ءَ موجب صدر هندستان پاران سنڌ طاس ٺاھہ کي معطل ڪندي پاڻي کي هٿيارطور استعمال ڪرڻ تي ڳڻتي جو اظهار ڪيو. هن چيو ته پاڻي کي سياسي اوزار طور استعمال ڪرڻ جي ڪوشش اڳرا نتيجا ڏيڻ سان ڳنڊيل معاملو آهي. هن پاڪستان جي پاڻي جي حقن جي حفاظت جي اهميت تي زور ڏنو ۽ زور ڀريو تہ ته سڀئي گھربل سفارتي ۽ قانوني قدم کنيا وڃن.
علائقائي صورتحال سان جي ڪري توانائي جي اڻاٺ جي پسمنظر ۾ صدر هدايت ڪئي ته ملڪ ۾ لوڊشيڊنگ کي گهٽ ۾ گهٽ ڪرڻ لاءِ هر ممڪن ڪوششون ڪيون وڃن. هن زور ڏنو ته لوڊ مئنيجمينٽ سرڪاري اعلانن مطابق سختي سان شفاف ۽ اعلانيل انداز ۾ ڪئي وڃي ته جيئن شهري مڪمل طور تي باخبر هجن ۽ سندن ڪاروھنوار متاثر نہ ٿئي.
صدر اختيارين کي ملڪ ۾ پاڻي جي تحفظ جي ڪوششن کي تيز ڪرڻ جي هدايت پڻ ڪئي. هن گهريلو، تجارتي ۽ صنعتي سطح تي برساتي پاڻي جي استعمال تي تيزيءَ سان عمل ڪرڻ تي زور ڏنو ۽ هدايت ڪئي ته ننڍن ڊيمن، ريچارج وارن کوھن ۽ پاڻي ذخيرو ڪرڻ واري انفراسٽرڪچر جي تعمير کي تيز ڪيو وڃي. صدر زور ڏنو ته موجوده علائقائي موسم ۾ پاڻي جو تحفظ هڪ قومي ضرورت آهي.
گڏجاڻيءَ ۾ وسيع علائقائي ترقي تي به بحث ڪيو ويو. صدر جو خيال ھو تہ علائقي ۾ استحڪام ضروري آهي ۽ اعتماد جو اظهار ڪيو ته پاڪستان جي تعميري ۽ مسلسل ڪوششن سان ايران واري صورتحال جي سلسلي ۾ هڪ قابل عمل رستو ڳولھي سگهجي ٿو.
گڏجاڻيءَ ۾ پاڻي وسيلن وارو وفاقي وزير محمد معين واٽو، وفاقي وزير منصوبابندي ترقي ۽ خاص قدمن وارو رفاقي وزير احسن اقبال چوڌري، توانائي وارو وزير سردار اويس احمد خان لغاري، سينيٽر رانا ثناءُ الله خان، سينيٽر سليم مانڊوي والا، سينيٽر شيري رحمان، سيڪريٽري پاڻي وسيلن، چيئرمين واپڊا ۽ پاڪستان ڪمشنر انڊس واٽر اجلاس دوران موجود هئا. — ٽي سي ايل
